الإستفتاء على تعديل الدستور هيبدأ و آغلب التويترية فاهمين و عارفين هيختاروا إية و لية لكن ،،، هل باقى الناس اللى مش على تويتر او الفيس عندهم الوعى دة ؟ بالتأكيد بعضهم فاهم و واعى لكن الغير فاهمين للآسف كتيييييييييييير و نفس الحكاية او المشكلة هتواجهنا ساعة الإنتخابات سواء المحلية او البرلمانية او الرئاسية .
للآسف قلة الوعى و فى بعض الاحيان _مش عايز اقول غالباً _ ببكون الجهل هو العدو الاول للنجاح فى اى مجال ، فما بالك بالثورات !!!!! و ماقصدش الجهل إنى اكون اُمى اقصد إن الاقى ناس آعرفهم خريجين جامعيين ميعرفوش إية التعديلات آساساً و لا كان إية اوجة الإعتراض على الدستور القديم !!!
عايزين نوصل للناس دى ، عايزين نوصل لقطاعات و فئات كتيرة من المجتمع و ننتشر و نتوغل و نستمر و بالتالى تستمر إنجازات الثورة .
انا شايف الحل فى قناة تلفزيونية خاصة بالثوار القناة دى دورها هيكون متنوع و مفيد ، يعنى اى جهة مضادة تطلع بإشاعة لعمل فتنة او إنقسام فى صفوف المصريين القناة تبحث و تتأكد من كذب الخبر و تنفية و بكدة نقدر نعمل تحجيم للإشاعة قبل ما تنتشر و تسبب مشاكل ،،، طب القناة هتتأكد إزاى ؟؟؟ عن طريق التويترية الموثوق فيهم و المعروفين لو ساكنين فى المناطق اللى بتخص مصدر الإشاعة او ساكنين قريب منها و يقدروا يروحوا يتأكدوا او يتصلوا بحد واثقين فية من المنطقة يقدر يؤكد او ينفى .
ممكن من خلال القناة كمان الثوار _ بمختلف إتجاهاتهم _ يظهروا للناس و يتكلموا عن إتجاهاتهم و يشرحوا للناس يعنى إية يسارى ، يعنى إية ليبرالى و هكذأ .
ممكن فيما بعد نجيب المرشحين و نحاورهم و نسألهم وش كدة بدون رقابة من فلان ولا علان .
من الاخر القناة هتفيد مش هتضر و ايضاً هيبقى فى فرصة للشعب للحكم على آفكار الناس اللى دعت للثورة و قامت بها و ساندتها و بالتالى نكسب مصداقية زيادة .
بالنسبة للتكلفة المادية _ معنديش فكرة هتكون كم _ لكن ممكن تكون بالجهود الذاتية مننا كلنا و اعتقد إنها هتكون فرصة كويسة للمصريين المغتربين و اصحاب الجنسيات المزدوجة اللى زى حالاتى كدة يؤكدوا إنهم مصريين انقياء بالمساهمة فى حاجة زى دى ، ما شاء الله فى فنانين وطنيين معانا ممكن يفيدونا كتير فى معرفة طريقة إنشاء القناة و ممكن يفيدوا القناة بإتصالتهم بواحد زى الميرازى واحد زى حمدى قنديل يقدموا فقرات للتوعية و تثقيف المشاهد آكتر ، ممكن لو مقدرناش نجمع التكلفة المادية للقناة نستعين بفئة زى لاعبى الكرة مثلاً اللى فاتهم قطار الثورة و يبقى اعطيناهم فرصة تانية للمشاركة و المصالحة فى نفس الوقت .
ياريت تقولوا رايكم و اعذرونى لإن دة اول بوست لى .
للآسف قلة الوعى و فى بعض الاحيان _مش عايز اقول غالباً _ ببكون الجهل هو العدو الاول للنجاح فى اى مجال ، فما بالك بالثورات !!!!! و ماقصدش الجهل إنى اكون اُمى اقصد إن الاقى ناس آعرفهم خريجين جامعيين ميعرفوش إية التعديلات آساساً و لا كان إية اوجة الإعتراض على الدستور القديم !!!
عايزين نوصل للناس دى ، عايزين نوصل لقطاعات و فئات كتيرة من المجتمع و ننتشر و نتوغل و نستمر و بالتالى تستمر إنجازات الثورة .
انا شايف الحل فى قناة تلفزيونية خاصة بالثوار القناة دى دورها هيكون متنوع و مفيد ، يعنى اى جهة مضادة تطلع بإشاعة لعمل فتنة او إنقسام فى صفوف المصريين القناة تبحث و تتأكد من كذب الخبر و تنفية و بكدة نقدر نعمل تحجيم للإشاعة قبل ما تنتشر و تسبب مشاكل ،،، طب القناة هتتأكد إزاى ؟؟؟ عن طريق التويترية الموثوق فيهم و المعروفين لو ساكنين فى المناطق اللى بتخص مصدر الإشاعة او ساكنين قريب منها و يقدروا يروحوا يتأكدوا او يتصلوا بحد واثقين فية من المنطقة يقدر يؤكد او ينفى .
ممكن من خلال القناة كمان الثوار _ بمختلف إتجاهاتهم _ يظهروا للناس و يتكلموا عن إتجاهاتهم و يشرحوا للناس يعنى إية يسارى ، يعنى إية ليبرالى و هكذأ .
ممكن فيما بعد نجيب المرشحين و نحاورهم و نسألهم وش كدة بدون رقابة من فلان ولا علان .
من الاخر القناة هتفيد مش هتضر و ايضاً هيبقى فى فرصة للشعب للحكم على آفكار الناس اللى دعت للثورة و قامت بها و ساندتها و بالتالى نكسب مصداقية زيادة .
بالنسبة للتكلفة المادية _ معنديش فكرة هتكون كم _ لكن ممكن تكون بالجهود الذاتية مننا كلنا و اعتقد إنها هتكون فرصة كويسة للمصريين المغتربين و اصحاب الجنسيات المزدوجة اللى زى حالاتى كدة يؤكدوا إنهم مصريين انقياء بالمساهمة فى حاجة زى دى ، ما شاء الله فى فنانين وطنيين معانا ممكن يفيدونا كتير فى معرفة طريقة إنشاء القناة و ممكن يفيدوا القناة بإتصالتهم بواحد زى الميرازى واحد زى حمدى قنديل يقدموا فقرات للتوعية و تثقيف المشاهد آكتر ، ممكن لو مقدرناش نجمع التكلفة المادية للقناة نستعين بفئة زى لاعبى الكرة مثلاً اللى فاتهم قطار الثورة و يبقى اعطيناهم فرصة تانية للمشاركة و المصالحة فى نفس الوقت .
ياريت تقولوا رايكم و اعذرونى لإن دة اول بوست لى .
